Astrology in Islam ☪️
Islam main astrology haram Mana gayaa hai. Kyun ki Ghaib ka ilam sirf Allah ke pass hai.( Surah luqman,31.34)
Astrology mein 98.9% log taqdeer, sitare, ya grahon (planets) ke asar ko maan kar future ke liye faislay lete hai. Ye Allah ke ikhtiyaar ko kisi aur ke saath baantne ke barabar hai jo shirk hai.
. Qur’an (Surah Al-Jinn 72:26-27):
“Woh hi hai jo ghaib jaanta hai, aur apne chune hue Rasool”صلى الله عليه وسلم ke siwa kisi ko ghaib ka ilm nahi deta.
Yaani koi bhi insaan ya koi bhi astrologer future nhi bta sakta.
1.Tawheed ( Allah ki wahdaniyat ke khilaaf hai):-
Astrology ka aqeeda yeh hota hai ke sitara planets ya unki koi harkat insan ke naseeb,shakhsiyat,yamustaqb ilko mustasir krta he
“Allah hi har cheez ka malik hai,whi taqdeer banata hai.”
( Surah Al-A’raaf,7:54).
2 Imam ko kamzor bnata hai:-
Agar koi insan apni zindagi ka faisla astrology ya rashifal ( zodiac signs ) ka mutabiq kare. Wo Allah ki Taqdeer aur Kudrat par yakeen na kar ke andhon main chale jate hai.
Hadith (Sahih Muslim):
“Jo kisi kaahin (fortune teller) ke paas gaya aur uski baat par yaqeen kiya, usne Muhammad deen ka inkar kiya.” par nazil
3.Jhut or dhoka par mabni:-
Islam me jhuth bolna haram hai
Islam mein Dhoka aur Jhooth ka hukm:~
Qur’an aur Hadith dono mein Allah ne jhooth se sakht mana kiya gaya hai.
1. Qur’an mein (Surah Al-Hajj, 22:30 Aur jhoothi baaton se bacha karo.”
2.Hadith (Sahih Muslim)
“momin kabhi jhootha nahi hota.”
Islam mein dhoka dena bhi haraam hai:-
4. Momin ko gumrah karta hai:
1.Astrology (sitaron ka ilm) ek aisi aqeeda hai jisme log sitaron, burjon (zodiac signs) aur planeton ke asar se apne mustaqbil, kismat, aur shakhsiyat ko samajhne ki koshish karte hain.
5. Islam me yeh aqeeda shirk ke qareeb hai:
kyunki yeh yaqeen dilaya jata hai ke Allah ke siwa koi aur bhi taqdeer banata ya batata hai.
6. Yakeen ka masla hai:
1.Har momin ka Aqeeda hota hai ki vo Allah ki zaat par yakeen rkhe beshak har mushkil ka haal Allah ke pass hota hai.
2. Islam mein aisi koi bhi cheez najaiz (unlawful) hoti hai. Aise kaam par Allah naraz hota hai, aur akhirat mein saza milti hai
7. Shirk ka zariy hai:
1.islam mai shirk Krna ek Kabira gunha mana jata he or Allah ko is gunha se sbse jyda nafrat hai
. Hadith se Daleel:
Sahih Muslim (Hadith 2230):
“Jo kisi kahin (astrologer, kaahin) ke paas gaya aur us se kuch poocha, uski 40 din ki namaz qubool nahi hoti.”
Abu Dawood (3904):
“Jo kisi kahin ke paas gaya aur uski baat par yaqeen kiya, usne Muhammad ﷺ par naazil deen ka inkaar kiya.”
Yeh sabit karta hai ke astrology sirf gunah nahi, kufr tak le ja sakti hai
2. Rashi dekhna Islam me kaisa hai?
Islam me rashi (zodiac signs) dekhna jaiz nahi hai, kyunki rashi ka system yeh claim karta hai ke:
taaron, grahon aur planets se
insaan ki personality
kismat
future
rishton
safalta
ka pata lagaya ja sakta hai.
Islam ke mutabiq kya masla hai?
Rashi dekhne me 3 badi problems hoti hain:
1. Future batane ka dawa:-
Islam me future ka ilm sirf Allah ke paas hai.
Astrology future prediction ko promote karti hai.
2. Planets ko life par asar dena:-
Astrology ke mutabiq grah–nakshatra insaan ki zindagi ko control karte hain.
Islam me ye aqeede ka masla ban jata hai.
3. Hadith me sakht manaai:-
Nabi ﷺ ne farmaya:-
“Jo kisi kaahin (future batane wale) ke paas jaye, uski 40 din ki namaz qabool nahi hoti.”
Allah ki rehmat ke saamne na koi raashi kaam aati hai na koi zodiac—sirf dua aur yakeen kaam aata h
3. Jinn aur Shaytan Astrology Me Kya Role Play Karte Hain?
Islam ke mutabiq astrology (bhavishyavani, rashi, horoscope, kundli, numerology) ka asli base jinn aur shayateen ka dhoka hota hai — isliye ye gumrahi aur haram hai.
1️⃣ Shayateen aasman se chori chori baatein sunne ki koshish karte hain
Hadith me aata hai ke jinn aasman par jaakar Farishton ki baatein sunne ki koshish karte hain.
Lekin Allah un par shihab (aag ke teele) bhejte hain.
Unhe kabhi thoda sa suna hua part mil jata hai, jise wo:
astrologers
fortune tellers
“star readers”
numerologists
ko batate hain.
2️⃣ Shaytan ek baat ke saath 100 jhoote lafz mila deta hai:-
Hadith:
“Shaytan ek baat sahi sun leta hai, phir usme 100 jhooti baatein mila kar zameen par utaar deta hai.”
Iska matlab:
Astrology 99% jhooth + guess work hota hai.
3️⃣ Astrologers ka knowledge supernatural nahi — jinn ka chalawa hota hai:-
Jo log hath dekh kar, naam dekh kar, rashi dekh kar future bolte hain, wo log jinn ki madad se kaam lete hain.
Isliye Islam unko:
kaahin (foreteller)
arraaf (future guess karne wala)
ke sath count karta hai.
4️⃣ Jinn “past events” batakar logon ka trust jeette hain:-
Jinn log insaan ki purani baatein bata dete hain, jisse astrologer “sahi lagte” hain.
Log sochte hain — “ye sahi future bhi batayega.”
Ye gumrahi ka start hota hai.
5️⃣ Astrology ka main maksad aqeeda bigaadna hota hai
Jinn chahte hain ke insaan:
Allah par yaqeen chhod de
stars, rashi, planets par tawakkul karle
taqdeer ko Allah ki bajaye planets se jod de
shirk ki taraf badhe
Note:~
Isliye Islam ne isko sakhti se mana kiya.
4.Islam Mein Astronomy aur Astrology Ka Farq?
Islam me do alag cheezein hain-
1️⃣ Ilm-e-Nujum (Astronomy) – Jaiz / Halal:-
Astronomy ka matlab hota hai:
Sitare kitni door hain
Grah kaise ghoomte hain
Chand–sooraj kaise kaam karte hain
Solar system
Moonsighting (chand dekhna)
Qibla direction
Weather & navigation
Yeh scientific knowledge hai, aur Islam ne ise encourage kiya hai.
🔹 Qur’an me kai jagah Allah ne aasman aur sitaron ko sochne ka hukm diya hai.
🔹 Sahaba (R.A) navigation ke liye stars ka use karte the.
🔹 Chand dekhna Islamic calendar ka hissa hai.
👉 Isliye astronomy Islam me halal, ilm aur science ka hissa hai.
2️⃣ Astrology – Haram:-
Astrology ka matlab hota hai:
Rashi se personality batana
Stars se future batana
Kundli, zodiac, horoscope
Grahon se kismat/jindagi ka faisla
Planet positions se shaadi, business, rishtay batana
Ye sab future knowledge claim karte hain, jo sirf Allah ke paas hai.
🔹 Astrology jinn/shayateen ke waswase + jhoot par based hoti hai
🔹 Nabi ﷺ ne astrology ko kaahin/fortune telling me shamil kiya, aur sakht mana kiya.
🔹 Ye aqeeda bigaadne wali cheez hai.
👉 Isliye astrology Islam me haram hai.
🌸 Simple Difference (Easy Line)
Astronomy = Ilm + Science (Jaiz)
Astrology = Future telling + Jhoot (Haram)
🕌 Islamic Summary:~
Sitare samajhna = Jaiz
Sitare se future nikalna = Haram
Planets ka motion study karna = Halal
Planets ko zindagi ka controller samajhna = Aqeedah ka masla
• Islam hume kya sikhata Hai:
Islam ek poora zindagi ka nizaam hai jo hume duniya aur aakhirat dono ke liye behtareen tareeke se jeena sikhata hai.
1.allah par yakeen rakhna:-
Islam ka sabse pehla paighaam hai: Sirf ek Allah ki ibadat karo.
La ilaha illallah “Koi maabood nahi siwaye Allah ke.”
2. Namaz aur Ibadat karna:-
Rozana 5 waqt ki namaz hume Allah ke kareeb karti hai. Or ye Allah ka hukum hai
Momin ke liye 5 waqt ki namaz farz hai
Roza, zakat, aur hajj bhi ibadat ke zariye hain jo Islam sikhata hai.
3. Acha Akhlaaq or achi niyat rakhna:-
Islam hume sach bolna, insaf karna, sab ke saath nek sulook karna sikhata hai.
Nabi Muhammad ﷺ ne farmaya: “Main achhe akhlaaq ko mukammal karne ke liye bheja gaya hoon.”
Allah jhuth ko napasnd or sach ko pasnd krta hai
4. Insaniyat aur Insaf karna:
Islam har insaan ko izzat dene aur barabari se pesh aane ka dars deta hai.
Kisi par zulm karna, jhoot bolna, dhoka dena ladai karwana haraam hai.
Beshak Allah narm dil walo ko pasnd krta hai
5. Sabr aur Shukr aur tawakkul karna:
Mushkil waqt me sabr aur achhe waqt me shukr karna Islam ki taaleem hai.
Aur Allah par tawakkul karna chahiye kyunki ek Allah hi he jisne ye puri duniya banaye aur Allah hi ne sab ko paida kiya aur Allah hi he jo sab ko khilate or pilate hai
6. Aakhirat par Yakeen rakhna
Islam sikhata hai ke duniya ek imtihaan hai, asli jindagi to aakhirat hai.
Aakhirat me Har amal ka hisaab hoga – achhe ka bhi aur bure
Allah Qur’an me farmate hai- ye zindagi to samander mein ek soi ke nok ke barabar jo pani hai vo duniya ki zindagi hai our aakhirat pura samandar hai
Is duniya se chale Jane ke bad hum kbhi nhi Marge aur vhii aakhirat ki zindagi hogii jo kbhii bhi khatam nhi hogii
7.Ilm aur Taleem sikhata hai:
Islam ke nazdeek ilm ka asli maqsad:
1. Allah ko pehchanna our ibaadat karna
2. Apni zindagi ko behtar banana aur aakhirat ki tayyari karna
3. Dusron ko faida pohchana aur naik aamal karna
Islam ilm hasil karne ko farz qarar deta hai – chahe wo ladka ho ya ladki donu par farz hota hai jo ki qabil e tareef hai.
- Qur’an mein Ilm ke baare mein kya kaha gaya hai?
1. “Iqra bismi rabbika allathee khalaq”
(Surah Al-‘Alaq, 96:1)
“Padho apne Rubb ke naam se jisne tumhein paida kiya.”
2. “Kya jo jaante hain, aur jo nahi jaante, barabar ho sakte hain?”
(Surah Az-Zumar, 39:9)
Allah ne ilm waalon ko be-ilm se behtar kaha.
3. “Allah un logon ke darjat buland karta hai jo tum mein se iman laye aur jinhein ilm diya gaya.”
(Surah Al-Mujadila, 58:11)
- Hadith mein Ilm ki Ahmiyat :
1. “Ilm hasil karna har Musalman mard aur aurat par farz hai.”
(Ibn Majah)
2. “Aalim ki fazilat abid (sirf ibadat karne wale) par aise hai jaise chand ki fazilat tamam sitaron par.”
(Abu Dawood, Tirmidhi)
3. “Jis shakhs ne ilm ki talaash ke liye safar kiya, Allah uske liye jannat ka rasta asaan kar deta hai.” (Muslim)
“Be-shak Allah har cheez ka Poora Ilm Rakhta Hai; Zameen-o-Aasmaan mein koi baat us se chhupi hui nahi.”
👉 Islam Mein Astrology Se Related 10 Trending Question & Answers
1. Kya Islam mein astrology halal hai?
➤ Nahi. Astrology haram hai kyunki ye future batane ka dawa karti hai, jo sirf Allah janta hai.
2. Horoscope padhna gunah hai?
➤ Haan. Horoscope padhna, maana ya follow karna Islam me jaiz nahi. Hadith me manaai hai.
3. Rashi dekhna Islam me kaisa hai?
➤ Haram. Rashi insaan ki personality aur kismat ko stars se jodti hai — Islam isko shirk ke qareeb amal batata hai.
4. Kya Muslim kundli banwa sakta hai?
➤ Nahi. Kundli future prediction par based hoti hai, aur Islam future batane ko haram karta hai.
5. Kya planets insaan ki zindagi par asar dalte hain?
➤ Bilkul nahi. Grah–nakshatra sirf makhlooq hain, zindagi Allah chalata hai.
6. Kya hath dekhkar future batana (palmistry) jaiz hai?
➤ Nahi. Palmistry fortune telling ka hissa hai, jise Nabi ﷺ ne sakhti se mana kiya.
7. Kya numerology Islam me halal hai?
➤ Haram. Numerology bhi prediction-system hai, jo Islam me allowed nahi.
8. Kya astrology ko “fun” ke liye padhna jaiz hai?
➤ Nahi. Islam kisi bhi future-guessing system ko “mazaak” ke liye bhi jaiz nahi manta.
9. Jinn aur shaytan astrologers ko knowledge kaise dete hain?
➤ Shayateen aasman se chori hui ek baat me 100 jhooth mila kar astrologers ko batate hain.
Isliye wo guess kabhi kabhi sahi lagte hain.
10. Taqdeer aur astrology me kya farq hai?
➤ Taqdeer Allah ka ilm hai.
Astrology jinn/shaytan ka guess-work hai.
Isliye dono ka koi taaluk nahi.